Nusantarakini.com, Jakarta-
Semarak pilkada DKI Jakarta 2017 mendatang memang telah menghangat atmosfer langit Jakarta. Mulai dari partai politik, politisi, akademisi, peneliti, organisasi massa, tokoh masyarakat, maupun individu warga Jakarta telah memberikan sumbangsih pemikiran dan tindakannya. Kali ini redaksi Nusantarakini.com, menerima tulisan dari salah satu warga negara yang mengaku sebagai tukang ojek. Selengkapnya silahkan simak tulisan di bawah ini:
“Cumang Usul”: Pikiran Hati Tukang Ojek Untuk Cagub Muslim
Assalamu alaikum warahmatullahi wabarakatuh.
Ane cumang seorang tukang ojeg, sebelonnye ane mohon maap kepade semue Bapak-bapak atawe Ibu-ibu dienggerub ini, karne ane percaye banyak orang pinter disini, nyang paham soal ilmu agama, pun berlatar belakang pendidikan hukum, ane cumang mao minta tulung ame semue anggota dienggerub ini agar supaye mao bantuin nyampein usulan ane ini nantinye buat Gubernur Muslim terpilih dijakarte khususnye.
Ane yaqin seyaqin-yaginnye bahwasanye siohok bakal masuk bui dan kage kepilih lg jd gubernur dki, berarti selanjutnye gubernur dki adalah muslim.
Aamiin.
Usulannye :
1. Sebagei gubernur muslim wajib ngadain ta’lim ba’da subuh dilime wilayah jakarte minimal sebulan sekali sigubernur wajib hadir dan punye jadwal khusus disatu wilayah jakarte (subuh bulanan) jd kebagian semue.
2. Gubernur muslim terpilih kudu berani bikin peraturan perbaikan Ahlaq buat generasi islam, karne 60% bocah dijakarte bahase obrolannye ude ancur berantakan dimane die pade ngobrol pasti akhir kalimatnye ade sebutan binatang nyang kage enak didenger, intinye 60% bocah dr tingkat sekole dasar ampe tingkat lanjutan atas care bicarenye jauh dr cerminan seorang Islam.
3. Kudu bikin peraturan baru disetiap sekolahan dijakarte, umat muslim kudu bise bace Al-Qur’an jadi anak SD negri/ibtidaiyah kelas 6 wajib hafal Al-Qur’an minimal 2 Juzz buat syarat masuk SMP/Tsanawiyah.
Murid SMP/Tsanawiyah Kelas 3 wajib Hapal minimal 5 Juzz buat masuk SMA/Aliyah. Murid SMA/Aliyah kelas 3 wajib hapal 10 Juzz buat masuk perguruan tinggi dan digratisin semuenye buat umat muslim.
Jadi intinye bocah dirumah dikasih kesibukan buat ngaji yarinan kage ade waktu buat maen atawe nongkrong buang-buang waktu percume terutame mencegah banyaknye cabe-cabean atawe terong-terongan nyang ngumbar aurat mengundang pergaulan hidup bebas akibat akhlaqnye pade rusak terpengaruh acare tipi nyang ude kuat banget pengaruhnye ngerusak generasi umat islam.
4. Bikin peraturan wajib buat para camat ame lurah kudu peduli lingkungan terutame kegiatan ta’lim diwilayahnye. Camat wajib punye kegiatan ngaji mingguan buat para stapnye dan lurah/wakilnye.
Lurah/wakilnye wajib punye jadwal ta’lim mingguan berserta stap kelurahan mengikut sertakan RW/RT wilayahnye.
RW/RT wajib punye ta’lim mingguan beserte para wargenye.
5. Gubernur muslim wajib ngadain lomba hafiz Qur’an setaon sekali dari tingkat pegawai, sekolah dan juge masyarat kampung dimasing-masing wilayah dan tingkatannye.
Mohon maap sebelonnye, terime-kasih banyak atas bantuannye semue anggote enggerub ini, dan boleh juge ditambahin usulan ane ini karne pasti masing banyak kekurangannye.
Wasallam mualaikum warahmatullahi wabarakatuh.
*Chairudin profesi tukang ojek (*mc)
